камісію па падвядзенні вынікаў спаборніцтва гарадоў, сельскіх Саветаў дэпутатаў раёна і выканаўчых камітэтаў па забеспячэнні комплекснага сацыяльна-эканамічнага развіцця падведамасных тэрыторый;

раённую камісію па супрацьдзеянні карупцыі;

каардынацыйны савет па ўмацаванні законнасці, дысцыпліны і парадку ў раёне;

іншыя камісіі, саветы, працоўныя групы, якія ствараюцца ў райвыканкаме, кіраўніцтва якімі ажыццяўляе старшыня райвыканкама.

Ажыццяўляе ўзаемадзеянне з:

Камянецкім раённым, Высокаўскім гарадскім і сельскімі Саветамі дэпутатаў раёна;

пракуратурай Камянецкага раёна, іншымі праваахоўнымі і кантралюючымі органамі;

судом Камянецкага раёна, органамі прымусовага выканання;

Камянецкім міжраённым аддзелам упраўлення Камітэта дзяржаўнай бяспекі Рэспублікі Беларусь па Брэсцкай вобласці;

пагранічнай і мытнай службамі;

Камянецкім раённым аддзелам па надзвычайных сітуацыях;

Камянецкім раённым ваенным камісарыятам і воінскімі часцямі;

упраўленнем па рабоце з плацельшчыкамі па Камянецкім раёне Інспекцыі Міністэрства па падатках і зборах Рэспублікі Беларусь па Брэсцкім раёне;

банкаўскімі ўстановамі;

дзяржаўнай прыродаахоўнай установай «Нацыянальны парк «Белавежская пушча».

Ажыццяўляе кіраўніцтва дзейнасцю:

аддзела ўнутраных спраў райвыканкама;

фінансавага аддзела райвыканкама;

аддзела арганізацыйна-кадравай работы райвыканкама, у тым ліку галоўнага спецыяліста па абароне дзяржаўных сакрэтаў;

аддзела юрыдычнага і па рабоце са зваротамі грамадзян і юрыдычных асоб райвыканкама;

групы бухгалтарскага ўліку і справаздачнасці райвыканкама.

Ажыццяўляе іншыя абавязкі і паўнамоцтвы, прадугледжаныя заканадаўчымі актамі Рэспублікі Беларусь.

Старшыня раённага Савета дэпутатаў

Тэлефон: (+375 1631) 76-2-34

Узначальвае і кіруе работай раённага Савета дэпутатаў, забяспечвае ўзаемадзеянне з Камянецкім раённым выканаўчым камітэтам.

Пытанні:

Прадстаўляе Савет ва ўзаемаадносінах з іншымі дзяржаўнымі органамі, іншымі дзяржаўнымі арганізацыямі і грамадзянамі.

Склікае і вядзе сесіі Савета, арганізуе працу па іх падрыхтоўцы, кантроль за выкананнем рашэнняў Савета.

Арганізуе разгляд запытаў дэпутатаў Савета, работу Савета па разглядзе зваротаў грамадзян і юрыдычных асоб, ажыццяўленні адміністрацыйных працэдур.

Дакладвае Савету аб стане спраў на тэрыторыі раёна і па іншых пытаннях, аднесеных да яго кампетэнцыі, прадстаўляе сесіі Савета па меры неабходнасці, але не радзей як адзін раз у год справаздачы аб сваёй дзейнасці, інфармуе грамадзян аб стане спраў на тэрыторыі раёна.Узначальвае прэзідыум Савета і арганізоўвае яго работу, прадстаўляе сесіі Савета справаздачы аб дзейнасці прэзідыума.

Ажыццяўляе іншыя паўнамоцтвы, прадугледжаныя Законам Рэспублікі Беларусь «Аб мясцовым кіраванні і самакіраванні ў Рэспубліцы Беларусь» і іншымі актамі заканадаўства.

Кіраўнік спраў райвыканкама

Жуковіч Аляксандр Аляксеевіч

Тэлефон: (+3751631) 76-1-22

Кіраўнік спраў райвыканкама:

ажыццяўляе ўпраўленне адміністрацыйна-гаспадарчай дзейнасцю райвыканкама.

Курыруе пытанні:

забеспячэння дзейнасці райвыканкама;

кантролю за выкананнем штогадовага плана работы райвыканкама;

каардынацыі работы структурных падраздзяленняў райвыканкама, Высокаўскага гарадскога, сельскіх выканаўчых камітэтаў па пытаннях захавання Рэгламенту работы райвыканкама і Правілаў унутранага працоўнага распарадку ў райвыканкаме;

кантролю выканання дакументаў і норм справаводства ў структурных падраздзяленнях райвыканкама, Высокаўскім гарадскім, сельскіх выканаўчых камітэтах;

кантролю за выкананнем рашэнняў райвыканкама, распараджэнняў і даручэнняў старшыні райвыканкама;

падрыхтоўкі, правядзення пасяджэнняў райвыканкама, у тым ліку выязных;

афармлення матэрыялаў райвыканкама, кантролю за давядзеннем рашэнняў райвыканкама да выканаўцаў;

арганізацыі і каардынацыі работы па абароне персанальных даных у райвыканкаме;

арганізацыйна-гаспадарчага забеспячэння, прыёму дэлегацый (замежных, урадавых і іншых органаў дзяржаўнай улады і кіравання);

правядзення дзяржаўных закупак для патрэб апарата райвыканкама;

транспартнага абслугоўвання райвыканкама;

утрымання і аховы будынкаў райвыканкама;

арганізацыі прыёму грамадзян, работы са зваротамі грамадзян і юрыдычных асоб у райвыканкаме;

функцыянавання службы «адно акно» ў райвыканкаме;

работы дзяржаўнай установы «Камянецкі раённы архіў»;

работы натарыяльнай канторы Камянецкага раёна.

Узначальвае па накіраванні дзейнасці камісіі, саветы, рабочыя групы, якія ствараюцца ў райвыканкаме.

Ажыццяўляе кіраўніцтва дзейнасцю:

групы забеспячэння дзейнасці і тэхнічнага абслугоўвання райвыканкама;

службы «адно акно» райвыканкама.

Ажыццяўляе іншыя абавязкі і паўнамоцтвы, прадугледжаныя заканадаўчымі актамі Рэспублікі Беларусь.

Рэгіён

Город Каменец Подольский из Брестской области Беларуси: история, достопримечательности, фотографии Камянецкі раён адміністрацыйна падзелены на 1 гарадскі (Высокаўскі) і 13 сельскіх саветаў, якія ўключаюць у сябе 234 сельскія населеныя пункты, у тым ліку 17 аграгарадкоў.

Раён займае плошчу ў 1, 7 тыс. кв. км і размяшчаецца на паўночным захадзе Брэсцкай вобласці. Мяжуе з Рэспублікай Польшча, Брэсцкім, Жабінкаўскім, Кобрынскім і Пружанскім раёнамі Брэсцкай вобласці.

Камянецкі раён – адзін з найбуйнейшых раёнаў Брэсцкай вобласці па вытворчасці сельскагаспадарчай прадукцыі.

Сёння спецыялізацыя і асноўныя прыярытэты ў развіцці нашага раёна – гэта сельскагаспадарчая вытворчасць, перапрацоўчая прамысловасць у т.л. мясамалочная, прамысловая вытворчасць на аснове выкарыстання мясцовай сыравіны, сфера паслуг у т.л. турыстычныя, аграэкатурызм.

Камянецкі раён - адзін з найбуйнейшых раёнаў Брэсцкай вобласці па вытворчасці сельскагаспадарчай прадукцыі. Пад сельгасугоддзямі занята 50% тэрыторыі раёна. Асноўныя галіны сельскай гаспадаркі-мяса-малочная жывёлагадоўля, буракаводства, вырошчваюцца збожжавыя і кармавыя культуры, бульба.

Аграпрамысловы комплекс раёна прадстаўлены 9 адкрытымі акцыянернымі таварыствамі (ААТ «Белавежскі», «Савушкіна пушча», «Відамлянскае», «АграНіва», «Александрыя-Агра», «Макарава-Агра», «Агра-Пелішча» «Агра Турна», «Агра-Зарэчча») і 2 абслуговымі арганізацыямі - ААТ «Камянецкі райаграсэрвіс» і УП «Камянецкае ПМС».

Прамысловы комплекс раёна прадстаўлены наступнымі асноўнымі прадпрыемствамі: ТАА «Аграпрадукт», СААТ «Белавежскія сыры», КУМПП ЖКГ «Камянецкая ЖКГ», ТАА «РыёнаСІЭМЖЫ», мясакамбінат ААТ «Белавежскі».

У горадзе захавалася шмат помнікаў культуры, архітэктуры, археалогіі і гісторыі розных перыядаў. Гонар горада - помнік абарончага дойлідства сусветнага значэння «Камянецкая вежа», цяпер філіял Брэсцкага абласнога краязнаўчага музея. У пачатку 2000-х гг. праведзена чарговая рэстаўрацыя Камянецкай вежы. У 2005 г. музейная экспазіцыя была абноўлена да рэспубліканскага Дня пісьменства, які праводзіўся ў г. Каменцы.

Недалёка ад вежы размешчана Сімяонаўская царква. Пабудавана Свята-Сімяонаўская царква на месцы драўлянага храма 16 стагоддзя, з'яўляецца помнікам архітэктуры рэтраспектыўна-рускага стылю. Пабудавана ў 1914 годзе да 300-годдзя дынастыі дома Раманавых. Гонарам Сімяонаўскай царквы з'яўляецца велічны разны дубовы трохярусны іканастас сярэдзіны 19 стагоддзя з выявамі святых, напісаных у майстэрні вядомага расійскага мастака Віктара Васняцова.

Сусветна вядомы нацыянальны парк «Белавежская пушча» з адміністрацыйным цэнтрам у аг. Каменюкі Камянецкага раёна. Папулярнасць пушчы распаўсюдзілася па ўсім свеце і працягвае расці. Першабытны лясны масіў плошчай больш за 500 квадратных кіламетраў унікальны сваёй разнастайнай флорай і фаунай, багатай гісторыяй. Турыстам прапануюць наведаць: музей прыроды, экскурсійныя вальеры, маёнтак Дзеда Мароза - самы вядомы турыстычны брэнд краіны. У 2019 годзе ў НП «Белавежская пушча» адкрыўся археалагічны музей пад адкрытым небам. У аснове музея-скансена — сем частак, якія адлюстроўваюць розныя эпохі: ад мезаліту да Сярэднявечча.