Фестываль "Белая Вежа" - найстарэйшы тэатральны фестываль Беларусі. З моманту заснавання ў 1996 годзе ён аб'яднаў артыстаў з больш як 60 краін, паказана 770 спектакляў.
ХХХ Міжнародны тэатральны фестываль "Белая Вежа" пройдзе 10-19 верасня 2026 года ў Брэсце.
Тэма юбілейнага мерапрыемства - "Белая Вежа - 30 гадоў разам! Залаты фонд фестывалю".
У праграме - спектаклі 31 творчага калектыву з 11 краін: Азербайджана, Арменіі, Беларусі, Балгарыі, Грузіі, Казахстана, Кітая, Кыргызстана, Манголіі, Расіі, Узбекістана. Прадстаўлены шырокі спектр жанраў: драматычныя, музычныя, эксперыментальныя, пастаноўкі тэатра лялек, балет, опера Уцзюй, а таксама вулічныя паказы.
Паказы спектакляў адбудуцца на дзевяці мовах. Пастаноўкі пройдуць на шасці пляцоўках*.
Для даведкі
У Беларусі дзейнічаюць 28 дзяржаўных прафесійных тэатраў, у іх праведзена больш за 12,9 тыс. мерапрыемстваў. Тэатры наведалі 2,2 млн гледачоў**.
*У вялікай і малой залах Брэсцкага акадэмічнага тэатра драмы, Брэсцкім тэатры лялек, Брэсцкім абласным грамадска-культурным цэнтры, на плошчы Леніна і набярэжнай Францыска Скарыны.
**Паводле даных 2025 года.
Крыніцы: Міністэрства культуры, Брэсцкі акадэмічны тэатр драмы, Белстат