У чым унікальнасць ІІ Гульняў краін СНД, расказаў першы намеснік міністра спорту і турызму Беларусі

3 жніўня, Мінск /Кар. БЕЛТА/. Першы намеснік міністра спорту і турызму Аляксандр Дараховіч расказаў журналістам, у чым унікальнасць ІІ Гульняў краін СНД, перадае карэспандэнт БЕЛТА.

"ІІ Гульні краін СНД унікальныя тым, што спаборніцтвы пройдуць не толькі ў сталіцы, але і ў рэгіёнах нашай краіны", - адзначыў Аляксандр Дараховіч.

Ва ўдзельнікаў і гасцей ёсць магчымасць наведаць спартыўныя аб'екты, азнаёміцца з выдатнымі мясцінамі Беларусі. "Мы ўсе рыхтаваліся да правядзення Гульняў. Спадзяёмся, што СМІ будуць шырока асвятляць правядзенне спаборніцтваў і ў нашу краіну прыедзе яшчэ больш гасцей", - сказаў Аляксандр Дараховіч.

Акрамя таго, падкрэсліў першы намеснік міністра, унікальнасць ІІ Гульняў краін СНД заключаецца ў тым, што для іх не стваралася дырэкцыя. "Пад ІІ Еўрапейскія гульні была створана дырэкцыя, якая выконвала ўсе арганізатарскія функцыі, звязаныя са спаборніцтвамі. У гэтым выпадку ніякія дырэкцыі не ствараліся. І мы ўбачылі, што гэта схема працуе", - расказаў ён.-0-